Innlent

Hvalkjötið komið í skip og á leið til kaupenda í Japan

Kristján Már Unnarsson skrifar
Frá hvalstöðinni í Hvalfirði.
Frá hvalstöðinni í Hvalfirði. Vilhelm Gunnarsson

Allt hvalkjöt frá síðustu vertíð, og raunar meira til, er farið úr landi. Flutningaskip lestaði kjötið í Hafnarfirði skömmu fyrir jól og er það núna á leiðinni til kaupenda í Japan.

Fram kom í fréttum Stöðvar 2 að hvalkjötinu hafi verið skipað um borð í erlent flutningaskip í Hafnarfjarðarhöfn nokkrum dögum fyrir jól og voru þetta tæplega þrjú þúsund tonn. Engar upplýsingar hafa þó fengist frá Hval hf. um útflutninginn og er greinilegt að þar á bæ vilja menn hafa sem fæst orð um ferðir skipsins.

Við náðum á Kristján Loftsson í höfuðstöðvum Hvals í Hafnarfirði í dag, eftir að hafa ítrekað óskað eftir viðtali um málið, en viðbrögð hans voru að loka hurðinni á okkur um leið og hann sagðist vera upptekinn.

Fréttamaður Stöðvar 2 gengur úr höfuðstöðvum Hvals hf. í Hafnarfirði í dag. Forstjórinn, Kristján Loftsson, í glugganum uppi til vinstri eftir að hafa lokað á fréttamann um leið og hann sagðist vera upptekinn.Egill Aðalsteinsson

Heimildarmenn fréttastofu segja að kaupendur í Japan hafi ekki aðeins viljað fá allt kjöt sem fékkst á vertíðinni síðastliðið sumar heldur einnig eldri birgðir og hafi allar frystigeymslur verið hreinsaðar út af hvalkjöti, svo mikil hafi ásóknin verið.

Forstjóri Hvals kvaðst raunar við upphaf hvalvertíðar síðastliðið sumar engar áhyggjur hafa af markaði fyrir kjötið.

„Það er ekkert vesen með það,“ sagði Kristján Loftsson í viðtali í Reykjavíkurhöfn þann 22. júní síðastliðinn.

Og vart er við öðru að búast en að stefnt verði á hvalvertíð aftur í sumar miðað við hvað sala hvalkjötsins virðist hafa tekist vel að þessu sinni.

Það eru að verða þrjár vikur frá því flutningaskipið lét úr höfn í Hafnarfirði. Okkur er sagt að skipið sé með næga olíu um borð til að komast með farminn alla leið til áfangastaðar í Japan.

Hér má sjá frétt Stöðvar 2:

Hvalveiðar Hafnarfjörður Hvalfjarðarsveit Japan Sjávarútvegur Ferðamennska á Íslandi

Tengdar fréttir

Spyrja hvort að hval­veiðum við Ís­land sé lokið fyrir fullt og allt

Kristjáni Loftssyni, eiganda Hvals, er alveg nákvæmlega sama um hvað gagnrýnendur á hvalveiðar fyrirtækis hans segja um hann. Svandís Svavarsdóttir matvælaráðherra segir að hvalveiðar Íslendinga séu frekar hluti af fortíð Íslendinga en framtíð. Hún getur ekki fullyrt að hvalveiðileyfi Hvals verði framlengt eftir næsta ár.

Hvalur segir enga lagastoð fyrir reglugerð Svandísar

Hvalur hf. telur ljóst að fyrirhuguð reglugerðarbreyting Svandísar Svavarsdóttur matvælaráðherra, sem skyldar áhafnir að tilnefna dýravelferðarfulltrúa til að hafa eftirlit með hvalveiðum, skorti lagastoð og rúmist ekki innan meðalhófsreglu stjórnsýslulaga. Þetta kemur fram í umsögn hvalveiðifélagsins.

Krefjast þess að hvalveiðar verði bannaðar með mótmælum á Austurvelli

Fern íslensk og erlend dýraverndarsamtök krefjast þess að hvalveiðar verði með öllu bannaðar á Íslandi á mótmælum sem boðað hefur verið til á Austurvelli í dag. Formaður einna samtakanna er ekki bjartsýnn á að boðaðar reglugerðarbreytingar matvælaráðherra í dýraverndarátt muni breyta nokkru.

Öll hval­veiði­skip verði að taka með sér dýra­vel­ferðar­full­trúa á veiðar

Svan­dís Svavars­dóttir mat­væla­ráð­herra hefur lagt fram drög að breytingu á reglu­gerð um hval­veiðar þar sem lagt er til að fram­vegis verði á­vallt að vera dýra­vel­ferðar­full­trúi um borð á hval­veiði­túrum til að ganga úr skugga um að hvalir séu af­lífaðir á sem skjótastan og sárs­auka­minnstan hátt.

Forstjóri Hvals býst við fyrsta hvalnum á land fyrir helgi

Hvalbátarnir héldu til veiða í dag og vonast Kristján Loftsson, forstjóri Hvals hf., til að fyrsti hvalurinn verði kominn á land fyrir helgi. Hann efast þó um að það takist að veiða alla kvótann en segir ekkert vesen að selja hvalkjötið.

Fólk snið­gangi ferða­lög til Ís­lands vegna hval­veiða

Könnun sem Maskína framkvæmdi fyrir Náttúruverndarsamtök Íslands leiðir í ljós að meirihluti landsmanna, eða um 65 prósent, telja hvalveiðar hafa neikvæð áhrif á orðspor Íslands. Formaður Samtaka ferðaþjónustunnar segir kominn tími til að stjórnvöld taki mark á þeim áhrifum sem hvalveiðar hafi á ferðaþjónustuna í landinu.  

Segir það kjaftæði að ferðamenn sniðgangi Ísland vegna hvalveiða

Fyrsta langreyður vertíðarinnar, og jafnframt sú fyrsta sem skotin er við Ísland í nærri fjögur ár, veiddist um miðjan dag vestur af landinu. Búist er við að hvalurinn verði dreginn á land í Hvalfirði á morgun en þar var í kvöld byrjað að kynda undir kötlunum.

Mest lesið


Fleiri fréttir

Sjá meira


×

Mest lesið