Sprengisandur: Efnahagsmál heimsins og kynvitund

Í dag verður púlsinn tekinn á stöðu efnahagsmálum heimsins og áhrifum á Ísland með hagfræðingunum Önnu Hrefnu Ingimundardóttur aðstoðar framkvæmdastjóra SA og Elísu Örnu Hilmarsdóttur frá Viðskiptaráði.

Þá munu þingmennirnir Sigmundur Davíð Gunnlaugsson og Helga Vala Helgadóttir velta fyrir sér og skiptast á skoðunum og fara ýtarlega yfir þá mjög svo breyttu samfélagsmynd sem við stöndum frammi fyrir hvað varðar kynvitund, kynin og annað sem snertir þau mál. Mál sem eru mjög viðkvæm og tekist er á um um allan heim.

Að lokum spjallar Heimir við Jakob Frímann Magnússon, alþingismann, sem situr meðal annars í Framtíðarnefnd þingsins. Þar fer Jakob yfir hlutverk nefndarinnar og nýlega heimsókn til Finnlands í boði Framtíðarnefndar finnska þingsins, en sú nefnd ku jafnvel vera á undan sinni samtíð ef ekki „framtíð“.