Þýðingar­vél Goog­le stækkuð

Í frétt BBC segir að fjölmennasta tungumálið sé Bhojpuri, sem talað er af um fimmtíu milljónum manna á Indlandi, í Nepal og Fídjí. Einnig er Dhiveri nú að finna í þýðingarvélinni, en það tala um þrjú hundruð þúsund manns á Maldíveyjum.

Nú er svo komið að 133 tungumál er að finna í þýðingarvél Google. Síðast bættust tungumál við grunninn árið 2020 en þá voru þau aðeins fimm en talsmenn Google segjast vilja bæta vélina enn frekar og leggja áherslu á tungumál sem hingað til hafa ekki verið höfð með í tækniþróun síðustu áratuga.