Innlent

31 greindist smitaður

Samúel Karl Ólason skrifar
Frá sýnatöku við Suðurlandsbraut.
Frá sýnatöku við Suðurlandsbraut. Vísir/Vilhelm

31 greindist smitaður af Covid-19 hér á landi í gær. Sex eru á sjúkrahúsi og tveir á gjörgæslu. Nítján þeirra sem greindust voru óbólusettir og rúmur helmingur var í sóttkví.

Þetta kemur fram í uppfærðum tölum á Covid.is.

25 greindust í fyrradag og þá voru sömuleiðis sex á sjúkrahúsi og tveir á gjörgæslu. 792 eru í sóttkví og 453 í einangrun. Í gær voru 920 í sóttkví og 507 í einangrun.

Alls hafa 11.234 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 33 andlát verið rakin til Covid-19 hér á landi frá upphafi faraldursins.

Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið