Bjarni Ófeigur skoraði eitt í endurkomu sinni

Bjarni Ófeigur skoraði eitt mark og átti eina stoðsendingu þegar Skövde vann öruggan átta marka sigur á Alingsås í gær, lokatölur 32-24. Þetta var lokaumferð deildarinnar, og með sigrinum tryggðu Bjarni og liðsfélagar hans sér fjórða sætið.

Aron Dagur Pálsson er á mála hjá Alingsås, en hann var ekki með í gær. Tapið þýðir það að þeir missa af fjórða sætinu og falla niður í það fimmta.

 Nú tekur við úrslitakeppni um sænska meistaratitilinn, en hún hefst 18.mars. Skövde og Alinsås mætast í 8-liða úrslitum, en vinna þarf tvo leiki til að komast í undanúrslit.