Vara við svikaskilaboðum sem virðast koma frá Skattinum

Að því er segir í færslu Lögreglunnar á Austurlandi á Facebook hefur lögregla fengið tilkynningar um svikaskilaboðin og ítrekar að skilaboðin séu í raun ekki frá skattayfirvöldum. „Linkur í SMS skilaboðunum leiða svo viðkomandi inn á netsíðu þar sem beðið er um upplýsingar um greiðslukort svo hægt sé að greiða inneign frá Skattinum. Ekki þarf að fjölyrða um að Skattstjóri mundi ekki undir neinum kringumstæðum óska eftir þessum upplýsingum,“ segir í færslu lögreglu.