Lífið

„Hef aldrei á ævinni tárast jafn mikið og síðustu daga“

Stefán Árni Pálsson skrifar
María Ósk opnaði sig um veikindi sín í Íslandi í dag á Stöð 2 í síðustu viku.
María Ósk opnaði sig um veikindi sín í Íslandi í dag á Stöð 2 í síðustu viku.

„Ég er svo þakklát. Eftir viðtalið við mig í Ísland í dag hef ég fengið ótrúlega góð viðbrögð frá fólki. Ég er svo þakklát fyrir allt þetta góða fólk sem hefur hjálpað mér á gríðarlega fallegan hátt,“ skrifar María Ósk Jónsdóttir sem kom fram í Íslandi í dag í síðustu viku en hún greindist með geðhvarfasýki fyrir nokkrum árum og er í dag öryrki.

Hún hefur neitað sér um tannlækningar í sex ár og ákvað á dögunum skrifa færslu á Facebook þar sem hún bað um stuðning frá almenningi. Það hefur greinilega skilað sér.

„Margir hafa stutt mig fjárhagslega til að laga tennurnar mínar, yndislegur maður gaf okkur bíómiða, ung kona ætlar að bjóða krökkunum í Rush, ég fékk æðislega fatagjöf og ég gæti talið upp miklu meira. Mér hafa einnig borist mjög mörg falleg skilaboð frá fólki sem hrósar mér og sumir hreinlega þakkað mér fyrir. Ég hef aldrei á ævinni tárast jafn mikið og síðustu daga og eru það sannarlega gleðitár. Ég vildi að ég gæti knúsað allt þetta yndislega fólk. Ástarþakkir öll,“ skrifar María.

 

Ísland í dag Geðheilbrigði


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.