Ítalskur dómari og unnusta hans stunginn til bana

Það ríkir mikil sorg í knattspyrnuhreyfingunni á Ítalíu þessa daganna eftir að hræðilegar fréttir bárust fyrr í vikunni.

Knattspyrnudómarinn Daniele De Santis var stunginn til bana á heimili sínu. Bæði Santis og unnusta hans, Eleonara Manta, voru stunginn á mánudaginn.

Þau bjuggu í Lecce en De Santis dæmdi í þriðju efstu deild ítalska boltans, C-deildinni. Hann átti að dæma bikarleik í ítalska bikarnum í gær.

Lögreglan rannsakar nú málið en það sem vakti athygli þeirra á myndbandsupptökum frá heimili þeirra er að morðinginn komst á brott með bakpoka á herðum sér.

Santis var 33 ára en Eleonora, unnusta hans, þrítug.