Atlético í 3. sætið með sigri

Atlético Madrid vann sinn annan leik í röð í kvöld þegar liðið tók á móti Valladolid í spænsku úrvalsdeildinni í fótbolta. 

Það var markalaust allt þar til á 81. mínútu þegar Vitolo skoraði fyrsta og eina mark leiksins en Atlético höfðu verið meira með boltann í leiknum og átt fleiri marktilraunir. Með sigrinum fóru Atlético upp í 3. sæti og komust upp fyrir Getafe sem missteigu sig í kvöld á heimavelli á móti Eibar. Lokatölur þar urðu 1-1.

Þá unnu Levante 3-1 útisigur á botnliði Espanyol fyrr í dag, en Levante siglir nú lygnan sjó í deildinni í 11. sæti. Fjórði leikurinn sem var spilaður í spænsku deildinni í dag var leikur Athletic Bilbao og Real Betis sem lauk með 1-0 sigri Bilbao, en Sergio Canales mistókst að jafna þegar hann brenndi af víti fyrir Betis á 86. mínútu. Bilbao situr í 9. sæti en Betis í því fimmtánda.