Kvöldfréttir Stöðvar 2

17 ára stúlka segir samfélagið á Seltjarnarnesi hafa brugðist sér alla hennar æsku. Stúlkan ólst ein upp hjá móður með geð- og áfengisvanda og segir bæjar- og skólastarfsmenn, nágranna og fjölskyldu hafa ítrekað litið fram hjá vanrækslunni og heimilisofbeldinu sem hún varð fyrir af hendi móður sinnar.

Fjallað er um málið í kvöldfréttum Stöðvar 2 og áfram í Kompás á morgun á Vísi.

Í kvöldfréttum er einnig rætt við fjármálaráðherra og formann Sjálfstæðisflokks um stöðu sjávarútvegsráðherra. Einnig skoðum við verðið á humri sem hefur rokið upp og er varla fáanlegur vegna aflabrests. Við kynnum okkur nýjar aðferðir Borgarholtsskóla við að lækka veikindakostnað starfsfólks og hittum ótrúlega hæfileikaríkan módelsmið í Vík í Mýrdal.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30