Sport

Táningur rústaði tíu ára heimsmeti Michael Phelps

Óskar Ófeigur Jónsson skrifar
Kristof Milak fagnar heimsmetinu.
Kristof Milak fagnar heimsmetinu. Getty/Quinn Rooney
Ungverjinn Kristof Milak vann afrek dagsins á heimsmeistaramótinu í 50 metra laug í Gwangju í Suður-Kóreu þegar hann setti nýtt heimsmet í 200 metra flugsundi.

Kristof Milak gerði betur en að bæta heimsmetið því hann hreinlega rústaði tíu ára heimsmeti bandarísku goðsagnarinnar Michael Phelps. Milak er bara nítján ára gamall.





Michael Phelps setti heimsmetið árið 2009 þegar hann kom í mark á 1:51.51 mín á heimsmeistaramótinu í Róm á Ítalíu.

Kristof Milak kom í markið á 1:50,73 mín. og vann gullið. Daiya Seto frá Japan fékk silfrið og (1:53.86 mín.) og þriðji var Suður-Afríkumaðurinn Chad le Clos (1:54.15 mín.).

Kristof Milak er fæddur í Búdapest í febrúar árið 2000 og var þarna að vinna sitt fyrsta heimsmeistargull. Milak vann silfur í 100 metra flugsundi á HM í Búdapest fyrir tveimur árum.



Sund Ungverjaland

Mest lesið


Fleiri fréttir

Sjá meira


×

Mest lesið