Tæp­lega 5.500 manns nýttu frían strætópassa á gráum degi

Tæplega 5.500 manns, eða alls 5.410 einstaklingar, nýttu sér frían dagspassa í strætó í gær á gráum degi. Frítt var í strætó vegna þess að áætlað var að styrkur svifryks myndi fara yfir heilsuverndarmörk.

Voru íbúar höfuðborgarsvæðisins því hvattir til þess að hvíla einkabílinn og nýta sér umhverfisvænni samgöngumáta, þar á meðal strætó.

Hægt var að sækja frípassann í gegnum strætóappið og voru um 16 þúsund manns sem notuðu appið í gær að því er fram kemur í tilkynningu frá Strætó. Meðalnotkun í appinu á virkum dögum er um 12 þúsund manns.

Þá bættust 1846 nýir notendur við appið frá því tilkynnt var um gráan dag á sunnudag.