Bein útsending: Fjármálaráðherra kynnir breytingar í skattamálum

Bjarni Benediktsson, fjármála- og efnahagsráðherra, kynnir núna klukkan 17 fyrirætlanir ríkisstjórnarinnar um breytingar í skattamálum á blaðamannafundi í fjármálaráðuneytinu.

Fundurinn verður í beinni útsendingu hér á Vísi.

Fjármálaráðherra, forsætisráðherra og félagsmálaráðherra áttu í dag fundi með aðilum vinnumarkaðarins um tillögur stjórnvalda að mögulegum aðgerðum til að liðka fyrir kjaraviðræðum.

Tillögur að skattkerfisbreytingum eru einn liður í því en skiptar skoðanir eru á ágæti tillagna ríkisstjórnarinnar.

Þannig sagði framkvæmdastjóri Samtaka atvinnulífsins að tillögurnar væru raunsæjar og ábyrgar en fulltrúar verkalýðsfélaganna fjögurra sem sitja nú við samningaborðið hjá ríkissáttasemjara ásamt SA lýstu í dag yfir reiði og sárum vonbrigðum með tillögurnar.