Bein útsending: Fréttir Stöðvar 2 á aðfangadag

Fréttir Stöðvar 2 verða í hádeginu í dag, aðfangadag, á samtengdum rásum á Stöð 2 og Bylgjunni.

Við kíkjum í Kringluna þar sem nokkrir voru á þönum að redda síðustu gjöfinni eða því sem vantaði í ísskápinn. Þá förum við einnig í kirkjugarðana en fjöldi fólks leggur leið sína í garðana í kringum hátíðirnar.

Við flytjum nýjustu tíðindi af hamförunum í Indónesíu, heyrum í Íslendingum sem dvelja á Suðurskautslandinu um jólin og segjum frá því að kynferðisafbrotamenn eru tíu prósent af öllum föngum hér á landi og hefur fjölgað hratt undanfarin misseri.

Fréttirnar hefjast á slaginu klukkan tólf og eru í beinni útsendingu á Stöð 2, Vísi og Bylgjunni.