Birtu myndband af ótrúlegu bílslysi

Lögregla í Slóvakíu birti í síðustu viku myndband úr öryggismyndavél sem vakið hefur mikla athygli. Í myndbandinu má sjá fólksbíl takast skyndilega á loft og brotlenda svo harkalega inni í göngum.

Myndbandinu var fyrst deilt á Facebook-síðu lögreglunnar í Slóvakíu en bandarískir fjölmiðlar hafa síðan fjallað um það. Í færslu lögreglunnar segir að bíllinn hafi verið á ferð snemma morguns þann 20. desember síðastliðinn. Við munna Börik-ganganna í austurhluta landsins fór bíllinn skyndilega á flug, snerist í loftinu og lenti harkalega inni í göngunum.

Ökumaðurinn, 44 ára karlmaður, var einn í bílnum þegar slysið varð en hann sakaði ekki, að því er fram kemur í færslunni. Einnig er tekið fram að hann hafi ekki verið undir áhrifum áfengis.

Myndbandið og færslu lögreglu má sjá hér að neðan.