Föstudagsplaylisti Sigurlaugar Thorarensen

Tónlistarkonan Sigurlaug Thorarensen setti saman lagalista vikunnar. Nýlega kom út stórskemmtileg EP-plata með dúóinu BSÍ sem hún skipar ásamt Júlíusi Rothlaender. Umferðargjörningur þeirra sem nýttur var sem tónlistarmyndband fyrir lag á plötunni vakti athygli.

Sigurlaug gerir einnig tónlist undir nafninu sillus en von er á fyrstu útgáfu frá henni í næstu viku.

Sigurlaug segir ekkert sérstakt þema búa að baki listanum. „Fyrir utan að hann er samansettur af tónlist eftir tónlistarkonur sem ég elska og lögin eru afslöppuð og „laid back“ sem koma mér samt í stuð og hreyfa við mér.“