Hótel hrundi í stórum jarðskjálfta í Taívan

Sterkur jarðskjálfti varð í Taívan í dag sem mældist 6,4 stig samkvæmt fyrstu tölum. Hótel hrundi að hluta í Hualien og er verið að reyna að bjarga fólki sem er þar fast. Jarðskjálftinn, sem skall á skömmu fyrir miðnætti að staðartíma, virðist hafa valdið gífurlegum skemmdum.

Ekki liggur fyrir hve margir eru fastir í hótelinu né hve margir eru særðir eða dánir. Þó er vitað til þess að aðrar byggingar hafi einnig hrunið í landinu, samkvæmt New York Times.

Jarðsjálftar hafa verið tíðir í Taívan undandfarna daga. Þar á meðal tveir skjálftar á sunnudaginn sem voru 5,3 stig og 6,1 stig. Þá eru tvö ár síðan 6,4 stiga jarðskjálfti skall á Taívan og þá dóu 117 manns.

Houses in Hualien after magnitude 6.0 earthquake. #earthquake #PrayForTaiwan #taipei #taiwan pic.twitter.com/FGP4IGP3HG

— Tyler Yeh (@ty_047) February 6, 2018