Annar ferðamaður látinn eftir slysið í Eldhrauni

Kínverskur karlmaður sem fluttur var á sjúkrahús eftir rútuslys í Eldhrauni í desember er látinn. Hann var fæddur árið 1996 og hafði verið á gjörgæslu frá því að slysið varð þann 27. desember. Enn eru einhverjir sem slösuðust á sjúkrahúsi. Þar á meðal ökumaður rútunnar.

Lögreglan á Suðurlandi segir fjölskyldu mannsins sem lést hafa verið hjá honum undanfarna daga og hafi þau notið aðstoðar starfsmanna kínverska sendiráðsins.

Slysið átti sér stað skömmu fyrir hádegi miðvikudaginn 27. desember síðastliðinn. Slysið varð með þeim hætti að hópferðabíll ók aftan á fólksbíl og endaði utan vegar á Suðurlandsvegi skammt frá Kirkjubæjarklaustri.

Auk mannsins dó kínversk kona á þrítugsaldri í slysinu.