Steingrímur leiðir lista VG í norðaustur

Steingrímur J. Sigfússon, þingmaður Vinstrihreyfingarinnar - græns framboðs, mun leiða framboðslista flokksins í norðausturkjördæmi í komandi Alþingiskosningum. Listi framboðsins var samþykktur á félagsfundi á Sel Hóteli í Mývatnssveit í gær.

Aðeins ein breyting er á efstu fjóru sætum listans. Bjarkey Olsen Gunnarsdóttir, þingmaður, er í öðru sæti hans líkt og árið 2013 og þá er Ingibjörgu Þórðardóttur, framhaldsskóla kennara á Nestkaupsstað, að finna í fjórða sæti. Björn Valur Gíslason, varaformaður- og þingmaður flokksins, snýr hins vegar aftur í sitt heimakjördæmi eftir víking til Reykjavíkur. Hann verður í þriðja sæti.

Einnig má taka fram að systkin eru á listanum því Kristín Sigfúsdóttir, umhverfisfræðingur og systir Steingríms J., er í 20. sæti á listanum.

Steingrímur J. er afar þaulsetinn þingmaður en hann tók fyrst sæti á þingi árið 1983 fyrir Alþýðubandalagið. Nái hann kjöri og sitji út kjörtímabilið hefur hann setið í 37 ár á þingi að því gefnu að kjörtímabilið verði fjögur ár.

Þaulsetnasti þingmaður Íslandssögunnar er Pétur Ottesen sem sat í 42 ár og átta mánuði árin 1916 til 1959. Eysteinn Jónsson sat í rúm fjörutíu ár, Ólafur Thors í tæp 39, Gunnar Thoroddsen í tæp 38 og Lúðvík Jósefsson í rúm 37 ár.

Framboðslista Vinstrihreyfingarinnar - framboðs í norðausturkjördæmi má sjá í heild sinni hér fyrir neðan.

1. Steingrímur Jóhann Sigfússon, alþingismaður, Gunnarsstöðum, Þistilfirði

2. Bjarkey Olsen Gunnarsdóttir, alþingismaður, Ólafsfirði

3. Björn Valur Gíslason, stýrimaður og varaformaður VG, Akureyri

4. Ingibjörg Þórðardóttir, framhaldsskólakennari, Neskaupstað

5. Óli Halldórsson, forstöðumaður og sveitarstjórnarfulltrúi Norðurþings, Húsavík.

6. Berglind Häsler, bóndi, matvælaframleiðandi og tónlistarmaður, Karlsstöðum, Djúpavogi

7. Edward H. Huijbens, prófessor, Akureyri

8. Hjördís Helga Seljan, grunnskólakennari, Reyðarfirði

9. Sindri Geir Óskarsson, guðfræðingur, Þingeyjarsveit

10. Þuríður Skarphéðinsdóttir, hjúkrunarfræðinemi, Egilsstöðum

11. Aðalbjörn Jóhannsson, verkefnastjóri á æskulýðssviði og nemi, Norðurþingi

12. Harpa Guðbrandsdóttir, gjaldkeri hjá Íslandspósti, Akureyri

13. Gunnar S. Ólafsson, framhaldsskólakennari, Neskaupsstað

14. Sóley Björk Stefánsdóttir, bæjarfulltrúi, Akureyri

15. Kristján Eldjárn Hjartarson, bygginga- og búfræðingur, Tjörn, Dalvík

16. Sif Jóhannesdóttir, forstöðumaður Menningarmiðstöðvar Þingeyinga og sveitarstjórnarfulltrúi, Húsavík

17. Kjartan Benediktsson, smiður, Akureyri

18. María Hjarðar, nemi, Egilsstöðum

19. Þorsteinn Gunnarsson, sérfræðingur, Rannís og fyrrv. rektor Háskólans á Akureyri, Akureyri

20. Kristín Sigfúsdóttir, umhverfisfræðingur og framhaldsskólakennari, Akureyri