IS heldur úti hlaðvarpi

Íslamska ríkið heldur úti hlaðvarpinu The ISIS Show þar sem vígamenn IS eru spurðir spjörunum úr um líf þeirra á vígvellinum. Í fyrsta þættinum er viðtal við breska öfgamanninn Kabir Ahmed, sem talinn er hafa látist í sjálfsmorðsárás fyrir tveimur vikum.

„Þetta er reyndar ansi skemmtilegt, betra en… hvað heitir leikurinn aftur, Call of Duty?“ sagði Ahmed í þættinum.

Fyrstu tveir þættirnir eru fáanlegir á Soundcloud en svo virðist sem þeir hafi verið fjarlægðir af ýmsum síðum sem þeir voru settir inn á.

Í þáttunum kemur ýmislegt miður geðslegt fram, eins og hvernig vígamenn IS skipuleggja „drive-by“ skotárásir og fleira.