Vatnsflösku kastað í Bieber

Justin Bieber gekk af sviði í Sao Paulo í Brasilíu um helgina eftir að óþekkur áhorfandi kastaði vatnsflösku í hann.

Þegar hann var í miðju lagi var vatnsflösku kastaði í hann. Við það móðgaðist söngvarinn og gekk af sviðinu. Áhorfendur biðu í hálftíma eftir að hann kæmi aftur á svið, og sungu meðal annars lagið Baby stanslaust í þeirri von að hann héldi tónleikunum áfram.

En allt kom fyrir ekki. Ljósin voru kveikt og starfsmenn tónleikahallarinnar hófu að pakka saman.

Myndband af þessu má sjá hér að neðan.