Össur: Fyrir minn flokk eru þetta hamfarir

Samfylkingin og Vinstri grænir eru með jafn marga þingmenn þegar tæplega 31 þúsund atkvæði hafa verið talin og það er óhætt að segja að Samfylkingin er að gjalda afhroð á meðan Vinstri grænir eru að vinna tiltölulega frækinn varnarsigur miðað við lágt gengi í könnunum undanfarnar vikur. Samfylkingin er með 13 prósent fylgi á meðan VG er með 11,1 prósent.

„Fyrir minn flokk eru þetta hamfarir,“ sagði Össur Skarphéðinsson, utanríkisráðherra, í viðtali við RÚV á kosningavöku Samfylkingarinnar þegar hann fór yfir stöðu mála.

Framsóknarflokkurinn stefnir í að vinna stærsta kosningasigur flokksins í áratugi. Flokkurinn er með 22,3 prósent og 17 þingmenn. Þeir eru þó ögn minnir en

Sjálfstæðisflokkurinn sem hefur sveiflast verulega til í skoðanakönnunum. Sjálfstæðisflokkurinn er með 25,8% og nítján sæti.

Björt Framtíð fær fimm menn kjörna á þing. Píratar koma einnig á óvart, en þeir ná fjórum þingmönnum.