Tveggja leikja bann fyrir slagsmál | myndband

Rajon Rondo, bakvörður Boston Celtics, hefur verið dæmdur í tveggja leikja bann fyrir að slást við Kris Humphries, leikmann Brooklyn Nets, í leik liðanna í vikunni.

Rondo hjólaði í þennan fyrrverandi meðlim Kardashian-fjölskyldunnar eftir að hann braut á Kevin Garnett. Lætin bárust út fyrir völlinn. Humphries slapp alveg með skrekkinn.

Þeir Gerald Wallace hjá Nets og Kevin Garnett fengu báðir sekt fyrir sinn þátt í látunum. Wallace var sektaður fjóra og hálfa milljón króna en Garnett um rúmar þrjár milljónir.

Hægt er að sjá myndband af látunum hér að ofan.