„Þrír mánuðir til að bjarga evrunni.“

Fjárfestirinn og góðgerðamaðurinn George Soros segir þjóðarleiðtoga ESB hafa þrjá mánuði til að bjarga evrunni. Hann telur að efnahagur Þýskalands muni byrja að veikjast í haust. Þar með verði erfiðara fyrir Angelu Merkel að beita sér og styðja aðrar þjóðir.

Soros býst við því að kreppan nái hámarki sínu í haust. Þegar þar að kemur verður erfiðara að sannfæra Þjóðverja um að taka á sig ábyrgð annarra evrópuríkja. Þar með séu í raun aðeins þrír mánuðir til stefnu til að ráða niðurlögum vandans.

Soros segir leiðtoga í ESB ekki skilja eðli vandamálsins. Þar með beiti þeir röngum aðferðum í glímu sinni við vandann. Þetta skýrði hann á ráðstefnu á Ítalíu og vísaði til niðurskurðastefnu evrópuríkjanna.

Umfjöllun BBC um málið má lesa hér.