Aguero í viðræðum við Juventus

Það virðist loksins ætla að verða af því í sumar að Sergio Aguero yfirgefi herbúðir spænska liðsins Atletico Madrid í sumar. Hann hefur verið orðaður við brottför frá félaginu síðustu sumur.

Umboðsmaður hans, Bruno Satin, segir að viðræður séu i gangi við Juventus þessa dagana og að leikmaðurinn sé spenntur fyrir því að spila á Ítalíu.

"Aguero vill fara til stórs félags og Juventus er stórt félag. Það hafa verið viðræður í gangi í nokkurn tíma," sagði Satin.

Fleiri félög hafa þó áhuga á leikmanninum og þar á meðal Real Madrid og Chelsea sem hefur lengi viljað fá leikmanninn í sínar raðir.

Það má því búast við hörðum slag um leikmanninn næstu daga og jafnvel vikur.