Fabregas felldi tár - Vill hann fara til Barcelona?

Áfram heldur fjölmiðlaumfjöllun um Cesc Fabregas og hugsanleg félagaskipti hans frá Arsenal til Barcelona. Spænskir fjölmiðlar komu í morgun með nýja hlið á málinu.

Í gærkvöldi var Fabregas sérstaklega heiðraður í heimabæ sínum, Arenys de Mar, fyrir þátttöku sína í sigri Spánar á heimsmeistaramótinu í sumar.

Á athöfninni var meðal annars myndasýning þar sem mátti sjá Cesc Fabregas þegar hann var í unglingaliði Barcelona. Viðstaddir fögnuðu og Fabregas felldi tár.

Blöðin Sport og El Mundo Deportivo tala um tárin sem nýjustu vísbendinguna um það að Fabregas vilji yfirgefa herbúðir Arsenal og halda til Barcelona á nýjan leik.

Smelltu hér til að sjá myndband frá athöfninni. Þá má til gamans rifja upp annað myndband þar sem Carles Puyol og Gerard Pique klæddu Fabregas í treyju Barcelona á dögunum.