Ronaldo býst við markaleik í kvöld

Portúgalinn Cristiano Ronaldo, leikmaður Real Madrid, bíður spenntur eftir El Clásico í kvöld eins og öll heimsbyggðin. Þá mætast Barcelona og Real Madrid í svakalegum leik enda eru þau jöfn á toppi spænsku deildarinnar.

Ronaldo býst við alvöru leik sem og það verði skorað eitthvað af mörkum.

„Þetta verður mjög erfiður leikur og held að þetta verði 50-50 því bæði lið eru jöfn á toppnum. Þetta verður erfitt fyrir okkur því Barcelona er að spila mjög vel. Auðvitað hefur heimaliðið smá forskot en ekki mikið," sagði Ronaldo.

„Það verða litlu hlutirnir sem munu ráða úrslitum í þessum leik. Það lið sem gerir færri mistök mun vinna. Það má gera lítil mistök í svona leik en ekki mikið meira en það.

„Ég held það verði mikið skorað í leiknum. Vonandi skorum við flest af þeim mörkum."