Stjörnumprýtt lið Real Madrid steinlá gegn Alcorcon

Real Madrid hóf göngu sína í konungsbikarnum á Spáni vægast sagt hörmulega í kvöld þegar liðið tapaði 4-0 gegn c-deildarliðinu og grönnum sínum í Alcorcon á Santo Domingo-leikvanginum en staðan var 3-0 fyrir heimamönnum í hálfleik.

Meðal leikmanna hjá Real Madrid í leiknum voru Karim Benzema, Guti, Rafael van der Vaart, Raúl og Alvaro Arbeloa.

Seinni leikur liðanna fer fram á Santiago Bernabeu-leikvanginum eftir tvær vikur.

Úrslit kvöldsins í konungsbikarnum:

Alcorcon-Real Madrid 4-0

Atletico Ciudad-Sevilla 2-4

Marbella-Atletico Madrid 0-2

Recreativo Huelva-Sporting Gijon 1-1