Verður Eiður áfram hjá Barca eftir allt saman?

Það ríkir enn óvissa með það hvar Eiður Smári Guðjohnsen muni spila fótbolta næsta vetur.

Hann hefur verið orðaður við fjölda félaga í sumar og þar af koma flest frá Englandi.

Í dag berast síðan tíðindi af því að Pep Guardiola gæti hugsað sér að halda Eiði Smára en hann vill ekki missa of marga leikmenn úr hópnum sem vann þrennuna síðasta vetur.

Engin tíðindi hafa þó borist af því að hann hafi verið tekinn af sölulista.

Bolton er komið í slaginn og Manchester Evening News greindi frá því að Gary Megson, stjóri liðsins, hefði hringt í Arnór Guðjohnsen, föður og umboðsmann Eiðs Smára, og spurt hann að því hvort strákurinn hefði áhuga á að koma aftur til félagsins.