Zlatan Ibrahimovic: Messi er eins og Playstation

Zlatan Ibrahimovic fer ekki leynt með að hann er orðinn mikill aðdáandi Lionel Messi eftir að hafa æft með honum í nokkra daga hjá Barcelona. Zlatan talaði um argentínska undrabarnið en hann getur ekki spilað með Messi strax vegna meiðsla.

„Messi er eins og Playstation nema að hann er raunverulegur. Maður skilur ekki hvernig hann fer að þessu. Hreyfingarnar hans eru einstakar og stórkostlegar," sagði Zlatan og hann segir að nýju liðsfélagarnir í Barcelona hafi tekið honum vel.

„Maður veit aldrei hvernig manni er takið hjá nýjum klúbbi, en allir hjá Barcelona og þá tala ég um alla, hafa tekið mér einstaklega vel," sagði Zlatan.