Perez ætlar að kaupa tvo í viðbót

Forseti Real Madrid, Florentino Perez, er ekki orðinn sáttur þó svo hann sé búinn að eyða fúlgum fjár í þá Cristiano Ronaldo, Kaká og Karim Benzema.

Perez segist ætla að kaupa tvo leikmenn í viðbót og þá sé hann orðinn sáttur.

Xabi Alonso er talinn vera næstur á listanum hjá Perez en Liverpool hefur ekki viljað sleppa leikmanninum. Í það minnsta hingað til.

Svo hefur Franck Ribery lýst yfir áhuga sínum á að ganga í raðir félagsins. FC Bayern er þó ekki á því að selja heldur.