Sex mörk í fyrri hálfleik

Real Madrid vann 4-3 sigur á Numancia í spænsku úrvalsdeildinni í knattspyrnu í kvöld en sex markanna komu í fyrri hálfleik.

Numancia komst í 1-0 og 2-1 en þá skoraði Real Madrid þrjú mörk í röð undir lok fyrri hálfleiks. Numancia náði að klóra í bakkann í síðari hálfleik en nær komust nýliðarnir ekki.

Guti, Higuain og Rafael van der Vaart skoruðu mörk Real Madrid en fjórða markið var sjálfsmark.

Numancia vann Barcelona í fyrstu umferð deildarinnar og hefur því byrjað vel í deildinni í haust.

Espanyol er eina liðið í deildinni sem er með fullt hús stiga eftir fyrstu tvær umferðirnar. Luis Garcia tryggði liðinu 1-0 sigur á Recreativo í dag.

Úrslit dagsins:

Getafe - Betis 0-0

Mallorca - Osasuna 1-1

Villarreal - Deportivo 1-0

Malaga - Athletic 0-0

Recreativo - Espanyol 0-1

Real Madrid - Numancia 4-3

Almeria - Valencia 2-2