Og Vodafone eflir GSM kerfi sitt

Og Vodafone ætlar að efla GSM kerfið í Stykkishólmi um þessa helgi en þá fara fram Danskir dagar í bænum. Hátíðin, sem hefst í dag og lýkur á sunnudag, fer nú fram í 13. sinn. Danskir dagar hefur verið vel sóttir síðustu árin og með eflingu GSM kerfis Og Vodafone í Stykkishólmi verður hægt að tryggja viðskiptavinum enn betri þjónustu um helgina.

Og Vodafone hefur einnig eflt GSM kerfi sitt fyrir Menningarnótt, sem fram fer á laugardag, enda fjölmargir borgarbúar sem leggja leið sína í miðbæinn í tengslum við þann viðburð. Fyrirtækið hefur lagt mikla áherslu á bætt GSM samband víða á landsbyggðinni í sumar, einkum í kringum ýmiss konar stórviðburði, svo sem tónleika og útihátíðir.