Þing kemur saman fimmta júlí

Þing kemur saman fimmta júlí til að ákveða fyrirkomulag þjóðaratkvæðagreiðslu um fjölmiðlalög, en stefnt er að því að kjördagur verði snemma í ágúst. Þetta kom fram hjá forsætisráðherra eftir mjög stuttan samráðsfund með formönnum stjórnarandstöðuflokkanna, sem sprakk í loft upp í Stjórnarráðinu fyrir hádegi. Forsætisráðherra segist hafa slitið fundinum þar sem forystumenn stjórnarandstöðunnar hefðu byrjað að setja þau skilyrði sem ætti að vinna eftir. Hann og Halldór Ásgrímsson, formaður Framsóknar, hefðu ekki viljað ganga til fundar með þessum formerkjum. Stjórnarandstaðan segir aftur á móti ríkisstjórnina hafa hafnað öllum beiðnum um samráð.