Leik lokið: Breiðablik-FH 6-2 | Ása með fimm mörk í meistarasýningu Blika

Breiðablikskonur sýndu hverjar eru langbestar í Bestu deild kvenna eftir 6-2 stórsigur á silfurliði FH í lokaumferðinni í kvöld. Þetta var kvöld markadrottningarinnar Hrafnhildar Ásu Halldórsdóttur sem skoraði fimm mörk þar af fernu í fyrri hálfleik.

Blikar enda því mótið níu stigum á undan FH-liðinu og Hrafnhildur Ása er langmarkahæst í deildinni með nítján mörk eða sex mörkum meira en næsta kona.

Bryndís Arna Níelsdóttir skoraði sjötta mark Blika eftir að hafa komið inn á fyrir Elísu Viðarsdóttur sem fékk heiðursskiptingu í sínum síðasta leik. Hinar ungu Hrönn Haraldsdóttir og Hafrún Birna Helgadóttir skoruðu mörk FH.

Frekari umfjöllun og viðtöl koma inn á Vísi seinna í kvöld.