Tottenham fékk sín fyrstu stig tíma­bilsins

Tottenham tók á móti Everton í fjórðu umferð ensku úrvalsdeildarinnar í dag. Leikurinn var heldur tíðindalítill og endaði á 0-0 jafntefli.

Hvorugt liðið leit út fyrir að vilja sækja sér sigur í dag en hvorugt liðið skapaði sér mikið af færum. Tottenham virtist ætla að byrja leikinn með miklum krafti en eftir að nokkur hálffæri fóru forgörðum minnkaði ákefð liðsins.

Í byrjun leiks var lið Everton frekar villt en þegar leikurinn hélt áfram kom meira skipulag í liðið. Þrátt fyrir það áttu gestirnir erfitt með að skapa sér færi.

Þegar leið á leikinn gerðu bæði lið skiptingar til þess að reyna að hrista upp í leiknum. Það endaði þó ekki að gerast og duttu varamenn beggja liða niður í sömu ákefð og var hjá leikmönnum inni á vellinum.

Undir lok leiksins virtist Tottenham ætla að stela sigrinum þegar liðið fékk tvær hornspyrnur en Everton náði að verjast þeim báðum og endaði leikurinn með sanngjörnu 0-0 jafntefli.

Með jafnteflinu fékk Tottenham sín fyrstu stig tímabilsins í ensku úrvalsdeildinni en Everton heldur taplausu gengi áfram þegar bæði lið eru búin að spila fjóra leiki.