Innlent

Eldur í þaki Rima­skóla í nótt

Lovísa Arnardóttir skrifar
Rimaskóli í Grafarvogi í Reykjavík.
Rimaskóli í Grafarvogi í Reykjavík. Reykjavíkurborg

Eldur kom upp í þaki Rimaskóla í Grafarvogi í Reykjavík klukkan hálf eitt í nótt. Slökkvistarf tók um tvær klukkustundir fyrir fjórar stöðvar slökkviliðs. 

„Eldurinn í Rimaskóla byrjaði í millilofti og færðist yfir þakklæðingu og þakkant,“ segir Sigurjón Hendriksson, varðstjóri hjá Slökkviliðinu á höfuðborgarsvæðinu, og að þó svo að vinnan hafi verið erfið og erfitt að komast að hafi hún gengið vel.

Hann segir tjónið ekki verulegt og að þetta ætti ekki að hafa áhrif á skólastarf. Hann segir slökkvilið ekki hafa fundið neina skýringu á eldsupptökum. Það séu búnar að vera einhverjar framkvæmdir við skólann en þeir hafi ekki getað séð að það væri ástæðan.

Það ætti að koma í ljós í dag.

Slökkvilið sinnti einnig eldi í matvælafyrirtæki í Vesturhrauni í Garðabæ. Þar kom reykur um húsnæðið og í sal en engar skemmdir urðu.

Slökkvilið Skóla- og menntamál Reykjavík

Tengdar fréttir

Þjófnaður í þremur verslunum

Tilkynnt var um þjófnað í verslun á þremur stöðum á höfuðborgarsvæðinu frá klukkan 17 til 5 í morgun. Í dagbók lögreglu kemur fram að lögreglumenn á þremur stöðvum, 1, 3 og 4, hafi verið tilkynnt um þjófnað í verslun. Í öllum tilvikum var málið leyst með vettvangskýrslu.

Mest lesið


Fleiri fréttir

Sjá meira


×

Mest lesið