Cancelo mættur til Barcelona en bíður eftir skráningu

Cancelo rifti samningi sínum við Al Hilal nýlega og ákvað að snúa aftur til Barcelona, í þriðja sinn. Í þetta sinn gerir hann langtímasamning við Barcelona en í hinum tveimur tilfellunum kom hann að láni, fyrst frá Manchester City tímabilið 2023-24 og svo frá Al Hilal seinni hluta síðasta tímabils.

Barcelona er hins vegar, enn og aftur, í vandræðum með leikmannaskráningar. Félagið hefur margoft áður lent í vandræðum vegna hás launakostnaðar liðsins. Leikmenn eins og Lionel Messi, Jules Koundé, Gavi og Dani Olmo hafa ýmist misst af leikjum eða farið frá félaginu vegna þessa.

Fyrir æfingaleik liðsins í Joao Gamper bikarnum í gær, sem Barcelona vann 2-1 gegn Al Ahly, var Rodri kynntur til leiks sem nýr leikmaður liðsins. Cancelo vonaðist til að vera kynntur inn á sama tíma en það gekk ekki.

Barcelona hefur líka brugðið á það ráð að skrá Jesse Bisiwu, átján ára gamlan leikmann sem kemur til félagsins frá Club Brugge í Belgíu, sem leikmann varaliðsins en hann mun samkvæmt heimildum Marca æfa að fullu með aðalliðinu.