Viðskipti innlent

Indó hækkar vexti vegna stýrivaxtahækkunar

Kjartan Kjartansson skrifar
Merki Indó sparisjóðs.
Merki Indó sparisjóðs. Indó

Vextir á bæði inn- og útlánum hjá Indó sparisjóði hækka um fjórðung úr prósenti. Hækkunin er sögð endurspegla alfarið ákvörðun Seðlabankans um að hækka stýrivexti í morgun.

Vaxtahækkun Indó nær til vaxta á debetreikningum, sparibaukum, indóláni, yfirdrætti, og færslusplitti. Þeir hækka um sem nemur hækkun Seðlabankans, eða um 0,25 prósentustigum.

„Vaxtahækkun indó endurspeglar því alfarið vaxtahækkun Seðlabankans og tekur gildi í dag,“ segir í tilkynningu frá fyrirtækinu.

Eftir hækkunina nema vextir Indó á debetreikningum 2,20%, á sparibaukum 6,60% (6,80% árlega), á Indó láni 12,00%, á yfirdrætti 14,50%, á færslusplitti 14,50% en síðasta matarkarfan verður áfram gjaldfrjálst lán.

Fjármálafyrirtæki Verðlag Íslenska krónan

Tengdar fréttir

„Þetta er sagt af mikilli virðingu“

Peningastefnunefnd Seðlabanka Íslands hefur ákveðið að hækka stýrivexti um 0,25 prósentustig. Þeir eru nú 8 prósent. Seðlabankastjóri var ómyrkur í máli á kynningarfundi vegna stýrivaxtahækkunar og kallaði eftir ábyrgð af hálfu aðila vinnumarkaðarins. Vildu þeir stýrivaxtalækkun gætu þeir sjálfir gripið til aðgerða, til að mynda með því að semja upp á nýtt og fresta launahækkunum.

Hækka stýrivexti

Peningastefnunefnd Seðlabanka Íslands hefur ákveðið að hækka stýrivexti um 0,25 prósentustig. Þeir eru nú 8 prósent. Fjórir nefndarmenn studdu þessa ákvörðun en einn vildi halda vöxtum óbreyttum.

„Bull og vit­leysa“ að hækkunin bíti ekki á verð­tryggð lán

Prófessor í viðskiptafræði segir að lántaki sem tók fimmtíu milljóna króna óverðtryggt lán til 20 ára í heimsfaraldri kórónuveiru muni greiða 120 þúsund krónum meira á ári af láninu eftir vaxtahækkun í morgun. Þá sé það bull og vitleysa að hækkunin hafi engin áhrif á verðtryggð lán.



Mest lesið


Fleiri fréttir

Sjá meira


×

Mest lesið