Þessir voru tekjuhæstu læknarnir og tannlæknarnir í fyrra

Freyja Þórisdóttir skrifar 18. ágúst 2026 19:40

Gríðarlegur fjöldi manns starfar á Landspítalanum í Fossvogi en einhverjir þeirra sem þar starfa sem læknar rötuðu á lista tekjublaðsins í þetta skiptið. Vísir/Vilhelm

Röntgenlæknirinn Halldór Benediktsson trónir á toppi listans yfir tekjuhæstu lækna og tannlækna landsins með ríflega sex milljónir á mánuði árið 2025. Fast á hæla honum koma svo skurðlæknirinn Jón H. H. Sen og yfirlæknirinn Súsanna B. Ástvaldsdóttir með hvor sínar tæplega sex milljónirnar á mánuði í fyrra. Ofarlega á listanum er að finna heimilslækna, þyrlulækna, geðlækna og svæfingalækna.

Þetta kemur fram í blaði sem gefið er út árlega um tekjuhæstu listamennina í Tekjublaði Frjálsrar verslunar sem kom út í dag. Þar eru teknar saman tekjur fimm þúsund, fimm hundruð og sjötíu Íslendinga.

Tekjublað Frjálsrar verslunar kom út í dag en rétt er að árétta að um er að ræða útsvarsskyldar tekjur á árinu 2025 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna ársins 2024 sem var greiddur árið 2025.

Miðað er við útsvarsstofn samkvæmt álagningarskrá en í tölunum eru ekki fjármagnstekjur, til dæmis af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði. Þá ber að hafa í huga að inn í tekjunum geta líka verið einskiptisgreiðslur vegna úttektar á séreignasparnaði hjá lífeyrissjóði.

Verktakagreiðslur flokkast ekki sem útsvarsskyldar tekjur og eru því ekki teknar fyrir í álagningaskrá Ríkisskattstjóra sem Tekjublaðið styðst við.

Þau sem rötuðu á listann í þetta skiptið starfa á gríðarlega fjölbreyttum sviðum og til að mynda er sá tannlæknir sem rataði efst einnig skráður sem kjálkaskurðlæknir en það er Sigurgísli Ingimarsson sem var samkvæmt blaðinu með rétt tæpar 2,8 milljónir á mánuði árið 2025. Það dugir þó ekki til að vera í efstu tíu slottunum.

Tíu tekjuhæstu læknarnir og tannlæknarnir

Halldór Benediktsson röntgenlæknir með 6,129 milljónir
Jón H. H. Sen skurðlæknir með 5,961 milljónir
Súsanna B. Ástvaldsdóttir yfirlæknir heilsugæslu HVest með 5,937 milljónir
Robert Maciej Wojciechowski sérfr. í svæfingalæknum HSA með 5,571 milljónir
Davíð Ottó Arnar yfirlæknir hjartal. LSH og prófessor með 5,488 milljónir
Magnús Gottfreðsson, sérfr. smitsjúkd. og prófessor við HÍ með 5,281 milljónir
Enchtuja Bold Suchegin taugalæknir LSH með 5,167 milljónir
Gísli Ólafsson heimilislæknir með 5,043 milljónir
Hannes Sigmarsson heimilislæknir með 4,982 milljónir
Sigurður Halldórsson yfirlæknir HSN Kópaskeri með 4,935 milljónir

Líkt og sjá má rataði enginn tannlæknir á listann en af þeim ríflega sjötíu sem voru á listanum virðast menn hafa verið í miklum meirihluta. Í neðstu sætum listans var að finna augnlækni, lyfjafræðing, bæklunarskurðlækni og fæðinga- og kvensjúkdómalækni.

Tíu tekjulægstu læknarnir og tannlæknarnir

Þórunn A. Karlsdóttir heimilislæknir á Heilsugæsl. Breiðholti með 1,012 milljón
Grethe Have heimilislæknir með 1,002 milljón
Sigurpáll S. Scheving hjartalæknir með 949 þúsund
Kristján Oddsson kvensjúkdómalæknir með 940 þúsund
Júlíus Valsson gigtarlæknir með 936 þúsund
Björn Pétur Sigurðsson bæklunarskurðlæknir Orkuhúsinu með 930 þúsund
Eiríkur Ingvar Þorgeirsson augnlæknir með 930 þúsund
Bessi Húnfjörð Jóhannesson lyfjafræðingur með 921 þúsund
Sigurður Ásgeir Kristinsson bæklunarskurðlæknir með 913 þúsund
Þóra Steingrímsdóttir fæðinga- og kvensjúkdómalæknir og próf. með 896 þúsund

Við höfum þegar tekið saman tekjuhæstu og lægstu listamennina sem og áhrifavaldana en í þeim síðarnefnda er Sunneva Eir Einarsdóttir langtekjuhæst annað árið í röð. Hún halaði inn um tveimur milljónum á mánuði í fyrra en hún er áhrifavaldur og stjórnandi hlaðvarpsins Teboðið.

Tekjur Skattar, tollar og gjöld Tannheilsa Landspítalinn Heilsugæsla

Mest lesið

Fleiri fréttir