Glódís Perla lyfti bikar í þriðja sinn á árinu 2026

Bayern München vann öruggan 3-0 sigur á VfL Wolfsburg í þýsku meistarakeppninni í kvöld.

Bayern var að vinna þýska ofurbikarinn þriðja árið í röð en liðið vann tvöfalt á síðustu leiktíð. Glódís Perla er fyrirliði liðsins og var því að taka við þriðja bikarnum á þessu ári.

Jovana Damnjanovic kom Bayern í 1-0 á 32. mínútu eftir stoðsendingu frá Klöru Buhl sem skoraði síðan sjálf tvö mörk sitthvorum megin við hálfleikinn.

Glódís fór af velli á 54. mínútu, væntanlega vegna meiðsla sem vonandi eru þá ekki alvarleg.