Hug­rún nýr markaðs­stjóri Defend Iceland

Í tilkynningu segir að hún taki við starfinu með traustan bakgrunn innan fyrirtækisins en undanfarin tvö ár hafi hún gegnt lykilhlutverki í uppbyggingu og þróun markaðsstarfs hjá fyrirtækinu.

Í nýju hlutverki muni Hugrún leiða stefnumótun í markaðsmálum með það að markmiði að auka vitund um mikilvægi fyrirbyggjandi netvarna og auka sýnileika fyrirtækisins bæði á innlendum og alþjóðlegum mörkuðum.

Hugrún er með meistaragráðu í stafrænni markaðssetningu frá ESEI International Business School og BSc-gráðu í viðskiptafræði frá Háskóla Íslands.

Um Defend Iceland segir að það  hafi frá stofnun unnið að því að breyta því hvernig fyrirtæki og stofnanir nálgist netöryggi. Í stað þess að bíða eftir netárásum byggi fyrirtækið á fyrirbyggjandi nálgun þar sem öryggisfræðingar og heiðarlegir hakkarar leiti markvisst að veikleikum áður en þeir geti valdið rekstrartruflunum, gagnalekum eða fjárhagslegu tjóni.