Íslenski boltinn

„Ég er farinn“

Valur Páll Eiríksson skrifar
Amin Cosic virðist vera á leið frá KR eftir leik liðsins við Þór á Akureyri á morgun.
Amin Cosic virðist vera á leið frá KR eftir leik liðsins við Þór á Akureyri á morgun. Vísir/Ívar

Útlit er fyrir að Amin Cosic, kantmaður KR, spili sinn síðasta leik fyrir félagið er það sækir Þór heim á Akureyri seinni partinn á morgun.

Skipti Amins erlendis hafa ekki verið staðfest opinberlega en fastlega er gert ráð fyrir að hann gangi til liðs við Noregsmeistara Viking í Stafangri. Orðrómar hafa verið flugi þess efnis að hann spili sinn síðasta leik fyrir KR á morgun.

Hann ýtti undir þá orðróma með færslu á Instagram í dag. Hann deilir í sögu sinni mynd með yfirskriftinni „Last Dance“ eða „Síðasti dansinn“. Undir færslunni spilast lagið „Ég er farinn“ með hljómsveitinni Úlfur Úlfur.

Færslan sem Amin deildi á Instagram, síðasti dansinn og lagið Ég er farinn hljómar undir.Instagram/_cosic7_

Viking er sagt greiða KR í kringum 80 milljónir króna fyrir kantmanninn unga sem gekk í raðir KR á miðju síðasta tímabili. Hann kom til KR frá Njarðvík en er uppalinn hjá HK.

Amin hefur spilað feiknavel í sterku KR-liði á yfirstandandi leiktíð þar sem hann hefur skorað fjögur mörk og lagt eitt upp í 13 deildarleikjum fyrir liðið.

KR Besta deild karla Norski boltinn

Mest lesið


Fleiri fréttir

Sjá meira


×

Mest lesið