Erlent

Réðust á dóm­kirkjuna í Kænu­garði

Gunnar Reynir Valþórsson skrifar
Dormition dómkirkjan í Kænugarði sem var fyrst byggð á elleftu öld brennur. 
Dormition dómkirkjan í Kænugarði sem var fyrst byggð á elleftu öld brennur.  AP Photo/Evgeniy Maloletka

Níu eru látnir og tugir særðir eftir árásarhrinu Rússa í Úkraínu í nótt. Fjórir létu lífið í höfuðborginni Kænugarði og í borginni Kharkiv fórust fimm slökkviliðsmenn sem voru að reyna að slökkva í húsi sem brann eftir rússneska árás.

Í Kænugarði skemmdist ævaforn dómkirkja frá elleftu öld sem er eitt helsta kennileiti borgarinnar þegar rússneskar sprengjur hæfðu hana. Forsætisráðherra Úkraínu Yulia Svyrydenko segir að árásin á kirkjuna sé hrottaleg atlaga að úkraínsku þjóðinni og menningu hennar. Úkraínumenn gerður einnig árásir á rússneskt landsvæði í nótt og er hermt að þrír hafi látist í borginni Tula suður af Moskvu. 

Árásir næturinnar á Kænugarð hafa haft mikil áhrif á orkuinnviði og í morgun voru um 140 þúsund borgarbúar án rafmagns.

Árásir Rússa nú eru gerðar í aðdraganda leiðtogafundar G7 ríkjanna sem hefst í Frakklandi í vikunni þar sem málefni Úkraínu verða á dagskrá. 

Úkraína Innrás Rússa í Úkraínu

Mest lesið


Fleiri fréttir

Sjá meira


×

Mest lesið