Hulda Clara fagnaði sigrinum með því að hoppa út í vatnið

Hulda er aðeins annar íslenski kylfingurinn sem sækir sigur á mótaröðinni og þetta er einungis hennar fjórða mót

Hulda lék mótið á pari vallar og spilaði hringina þrjá af ótrúlegum stöðugleika. Hún skilaði inn skorum upp á 72, 72 og 72 högg, og fékk þrjá fugla og þrjá skolla á öllum þremur hringjunum.

Frábær árangur hjá Huldu á sínu fyrsta tímabili sem atvinnukylfingur. Hún hafði hafið sumarið af krafti, náð best áttunda sæti á LET Access og sat í 24. sæti stigalistans eftir sigurinn. Hún mun fljúga upp listann eftir þennan frábæra árangur.

Hulda Clara sýndi ekki síður tilþrif þegar kom að því að fagna sigrinum eins og sjá má á LET Access mótaröðinni.

Hulda lét sig ekki muna um það að hoppa út í vatn við golfskálann. „Hulda á ekki í neinum vandræðum með ískalt vatnið,“ skrifaði LET Access á miðlana sína eins og sjá má hér fyrir neðan.