Gaslýsingar, starfsöryggi og heimskt lið

Afturelding komst í gærkvöld í undanúrslit í Mjólkurbikarnum í fyrsta sinn og starfsöryggi Jökuls Elísabetarsonar hjá tapliði Stjörnunnar hangir á bláþræði.

New York Knicks unnu það sem Charles Barkley segir heimskasta körfuboltalið sögunnar og komust 3-1 yfir í úrslitaeinvíginu um NBA-meistaratitilinn.

HM í fótbolta hefst í kvöld þar sem Mexíkó mætir Suður-Afríku. Augu þeirra í Besta sætinu verða á Suður-Afríkumanninum Oswin Reagan Appollis, sem er með viðurnefnið 10111, hvað sem það þýðir.

Gianni Infantino bar einnig á góma og hans gaslýsingar á blaðamannafundi FIFA í gær. Allt logar í aðdraganda móts sökum hás miðaverðs, ströngum landamæravörðum og fleiru til.

Sparktækni Infantino bar á góma en myndskeið af hornspyrnu forsetans má sjá í spilaranum.

Í hinum spilaranum má heyra þátt dagsins af Besta sætinu, sem og á öllum helstu hlaðvarpsveitum.