Martin á leið í odda­leik

Alba var sterkari aðilinn til að byrja með en Bamberg náði forystunni í öðrum leikhluta og hélt henni allt til loka. Sigurinn var aldrei í hættu á lokakaflanum og leiknum lauk 81-67 fyrir Bamberg.

Martin spilaði aðeins 18 mínútur í kvöld þar sem hann skoraði þrjú stig, tók tvö fráköst og gaf fjórar stoðsendingar.

Með sigrinum jafnar Bamberg einvígi liðanna 2-2 en Alba hafði komist 2-0 yfir með sigrum í fyrstu tveimur. Fram undan er oddaleikur í Berlín upp á það hvort liðanna fer í úrslitaeinvígi við Bayern Munchen um þýska meistaratitilinn.