Prentmet Oddi kaupir Ísa­foldar­prent­smiðju

Ísafoldarprentsmiðja var stofnuð 16. júní 1877 og var því elsta starfandi prentsmiðja landsins. Prentmet var stofnað árið 1992 en Oddi árið 1943 og því er samanlögð saga fyrirtækjanna yfir 266 ára.

Prentmet var stofnað af hjónunum Guðmundi Ragnari og Ingibjörgu Steinunni sem eiga og reka félagið enn í dag undir merkjum Prentmet Odda eftir að hafa yfirtekið Odda árið 2019. Sonur þeirra, Arnaldur Þór, stýrir innflutningshlutanum ásamt sölu- og fjármáladeild félagsins.

Ísafold sá hér áður fyrr um að prenta Fréttablaðið og prentaði 105 þúsund eintök 7 daga vikunnar þegar mest lét.

„Þetta er bara vonlaus business,“ sagði Kjartan Kjartansson, framkvæmdastjóri prentsmiðjunnar Ísafoldar, í samtali við Vísi þegar greint var frá gjaldþrotinu í apríl.

Í tilkynningu frá Prentmet Odda um kaupin kemur fram að í dag starfi hjá þeim um 70 fagmenn. Félagið bjóði upp á mestu breidd á Íslandi í framleiðslu á almennu prentverki, bókum og umbúðum. Sömuleiðis starfi félagið með mörgum af öflugustu umbúðaframleiðendum Evrópu.