Ungum ökuþórum bannað að keyra á nóttunni og þurfa að merkja sig

Reglurnar taka gildi á miðnætti aðfararnótt föstudags. Þá verður sautján ára gömlum ökumönnum bannað að aka frá miðnættis til klukkan fimm um morgun. Finnsk yfirvöld benda á að fimmtungur umferðarslysa sautján ára ökumanna verði að nóttu til. Fjörutíu prósent þeirra slysa séu banaslys.

Til þess að hjálpa lögreglu að framfylgja reglunum verður ungu ökumönnunum gert að merkja bíla sína sérstaklega með gulu og grænu sexhyrningslaga segulmerki, að því er segir í frétt finnska ríkisútvarpsins.

Merki ökumenn sem eru yngri ekki bíla sína með þessum hætti geta þeir verið sektaðir fyrir umferðarlagabrot. Ekki verður skylda að hafa merkin fyrr en október vegna tafa sem urðu á framleiðslu segulmerkjanna.

Fimmtán ungmenni eru á meðal þeirra tæplega 180 sem létust í umferðarslysum í Finnlandi í fyrra.

Fréttin hefur verið uppfærð.