Siggi Bond með besta stjörnuliðið en Ragnar hætti snemma

Strákarnir í Fantasýn hlaðvarpinu tóku eitt „stjörnulið“ fyrir í hverri viku. Meðal þeirra sem rötuðu á listann voru Teitur Örlygsson, Logi Bergmann, Guðlaugur Þór Þórðarson, Eyjólfur Sverrisson og Sindri Jensson.

Það kemur kannski ekki á óvart að stigahæsta stjörnuliðinu var stýrt af manni sem fjallar um fótbolta en Siggi Bond starfar sem sérfræðingur hjá Dr. Football og DocZone á Sýn Sport.

Bond var mun stigahærri en næstu menn á listanum, Sölvi Tryggvason og Benedikt Gíslason.

Rithöfundurinn Ragnar Jónasson var lengi vel í baráttunni og var um tíma efstur á Íslandi, en hætti síðan að gera félagaskipti í síðustu umferðunum og féll niður listann.

„Hann hefur bara náð sínu markmiði, tekið gott skjáskot af sér í fyrsta sæti og haldið síðan áfram að skrifa metsölubækur,“ sögðu Albert í lokaþætti Fantasýn um frammistöðu Ragnars.

„Hann hefur google-að hvað maður fær í verðlaun fyrir að vinna þetta og ákveðið að einbeita sér að því sem hann gerir best,“ svaraði Sindri í Fantasýn þá léttur í bragði en engin verðlaun fást fyrir að vera með besta stjörnuliðið.

Heilmikil verðlaun eru hins vegar á leiðinni til Þorgeirs Finnbogasonar, sem varð efstur allra á Íslandi og tryggði sér sigurinn í lokaumferðinni.

Þorgeir á von á vinningi sem inniheldur flug, gistingu og miða á leik í enska boltanum.

Lokaþátt tímabilsins hjá Fantasýn hlaðvarpinu má finna hér fyrir neðan.